Сабантуй-2022
12 июнь көнне Тәтеш районы халкы һәм кунаклары татар халкының милли бәйрәмен - «Сабантуй»бәйрәмен билгеләп үттеләр.
Бәйрәмгә рәсми кунаклар: «Татарстан Республикасы Муниципаль берәмлекләре Советы» Ассоциациясе рәисе - Гобәйдуллин Әгъзам Самат улы, алтынчы чакырылыш Татарстан Республикасы Дәүләт Советы депутаты, "Россельхозбанк" ның Татарстан төбәк филиалы директоры Кудерметова Ләлә Ринат кызы, Татарстан Республикасы юстиция министры урынбасары – Ибәтов Мөхәррәм Мансур улы, Иваново өлкәсе Иҗтимагый палатасы әгъзасы - Ногманов Рафаэль Мәсәлим улы чакырылган иде.
Быел беренче тапкыр безнең район кырларында эшли торган авыл хуҗалыгы техникасы күргәзмәсе оештырылган иде. Шулай ук районның авыл хуҗалыгы формированиеләре үзләренең күргәзмә экспозицияләрен әзерләгән.
Район мәктәпләре милли авыл әзерләде, анда иртәдән үк бәйрәм кунакларын татар, рус, чуаш һәм мордва хуҗалыклары каршы алды. Милли ризыклар һәм эчемлекләр белән сыйладылар, җырлар җырладылар, халык биюләре биеделәр.
Шулай ук бәйрәм ярминкәсе дә эшләде.
Сабантуй бәйрәме безнең район коллективлары, шулай ук Казан шәһәреннән килгән кунаклар катнашында театральләштерелгән прологтан башланып китте.
Тәтешлеләргә һәм шәһәр кунакларына котлау сүзе белән район Башлыгы Рәмис Хатыйп улы Сафиуллов мөрәҗәгать итте.
Шулай ук җыелучыларны "ТР Муниципаль берәмлекләр Советы" Ассоциациясе рәисе Әгъзам Самат улы Гобәйдуллин, алтынчы чакырылыш ТР Дәүләт Советы депутаты, "Россельхозбанк" ның Татарстан төбәк филиалы директоры Ләлә Ринат кызы Кудерметова сәламләде.
Аннары бәйрәм программасы буенча бүләкләү тантанасы булды.
Шулай ук бәйрәм кунагы - Иваново өлкәсе Иҗтимагый палатасы әгъзасы - Ногманов Рафаэль Мәсәлим улы да котлау сүзләре белән чыгыш ясады.
Бүләкләү тантанасын Тәтеш муниципаль районы Башкарма комитеты җитәкчесе урынбасары Айрат Фәрит улы Әхмәтшин һәм Тәтеш муниципаль районы авыл хуҗалыгы һәм азык-төлек идарәсе начальнигы Ирек Әдип улы Садриев дәвам иттеләр.
Күп санлы балалар төрле аттракционнарда һәм балалар мәйданчыкларында уйнады һәм үсте, мастер-класслар эшләде.
Барлык теләүчеләр өчен безнең район артистлары катнашында бәйрәм концерты оештырылды.
Шулай ук шашка, шахмат, волейбол, мини-футбол, гер күтәрү, ядрә ыргыту, ат чабышлары, машина тартышу, "тиз йөрүче" бәйгесе, милли татар-башкорт көрәше, «Көрәш» бәйгесе, анда яшь батырлар да, тәҗрибәле көрәшчеләр дә, ветераннар да, бәйрәм кунаклары да катнашты.
«Көрәш»милли татар-башкорт спорт көрәше җиңүчеләре һәм призерлары.
Сабантуйның абсолют батыры -2022-Шәмсетдинов Илназ (Үтәмеш авылы)
Сабантуйның яшь батыры – 2022-Сайтмуратов Ислам (Кызыл Тархан авылы).